INTRIGA E MISTERIO (A PRAIA DOS AFOGADOS)

 

    Se buscas unha novela intrigante con historias de asasinatos non podes deixar de ler A praia dos afogados de Domingo Villar. Conseguirá o inspector Leo Caldas resolver o misterio?

 Booktrailers elaborados por Lucía García e Iria Castro.

 

TRES MULLERES, TRES HISTORIAS

     

    José Ángel Nouche convida a ler esta interesante historia protagonizada por tres mulleres que, aparentemente, non teñen nada en común.

 

O CAN DOS BASKERVILLE

 

    Antía Seijas recomenda a lectura desta obra clásica da literatura universal en formato booktráiler.

 

O VERÁN NO QUE MIÑA NAI TIVO OS OLLOS VERDES

      

    Dous booktráilers animan á lectura deste libro que non deixará a ninguén indiferente.

 

 

TODO É SILENCIO

      Compartimos un suxestivo booktrailer realizado por María Bello e unha completa videorecensión de Alia Castro sobre a novela de Manolo Rivas:

TI E MAIS EU (DRAMATIZACIÓN E BOOKTRAILER)

     Unha das lecturas que máis éxito colleitou entre o alumnado de 1º Bach foi, sen dúbida, Ti e mais eu de Niccolo Ammaniti. Compartimos unha orixinal dramatización e un  traballado booktrailer. 

    Animádevos a lelo, non vos defraudará!

 ´

 

ACABADORA (BOOKTRAILER)

 

    Alba Couselo achéganos a súa interpretación visual sobre a obra de Michela Murgia en formato de booktraíler.

SOBRE AS GUERRAS E AS SÚAS CONSECUENCIAS: A NETA DO SEÑOR LINH

      

    A pantasma da guerra volve, por desgraza,  a estar de plena actualidade. O libro de Philippe Claudel ofrécenos  un fermoso e cruel relato sobre as consecuencias dos conflitos bélicos. Dous booktrailers realizados por Pablo Astray e Gloria Iglesias animan á lectura deste libro convertido xa nun clásico imprescindible no noso club de lectura.

 

SENLLEIRAS (booktrailer)

  

O vindeiro 7 de decembro recibiremos no noso centro á escritora Antía Yáñez coa que falaremos da súa obra Senlleiras. 

Compartimos dous traballos realizados en formato booktrailers de Pablo Astray e Gloria Iglesias (1º Bach)

BELEZA VERMELLA

Karla Rivera (4º ESO)  ofrecénos este  intrigante booktrailer elaborado a parttir do libro de Arantza Portabales

A AFOGADA

 Alia Castro (4º ESO B) anímanos a ler este libro de Rocío Leira cun traballado booktráiler: 

MEMORIA DO SILENCIO

 

 Ariadna Fernández comparte este suxestivo book-trailer que nos anima a ler Memoria do silencio de Eva Mejuto.  Esta historia lévanos ata as terras de Ribadavia, lugar onde as irmás Touza (tamén chamadas as  "Schindler galegas") axudaron a centos de xudeus a fuxir dos nazis cruzando a fronteira de Portugal. 

Booktráiler: A banda sen futuro

 Ariadana Fernández fainos unha proposta desta interesante lectura a través deste suxestivo vídeo: 

BELEZA VERMELLA

    

  Entre as actividades previstas para este curso estaba un encontro literario coa autora Arantza Portabales. Xa demos conta neste blog das impresións suscitadas pola lectura de Deixe a súa mensaxe despois do sinal.  Compartimos agora un booktráiler realizado por Nadia Fernández Blanco  (1º Bach. B) sobre a última obra publicada pola autora: Beleza vermella.

  

CARTAS DE AMOR

    
     Seguimos lendo nas nosas casas e, dado que non podemos reunirnos de xeito presencial, compartimos  lecturas e impresións a través deste blog. Nesta ocasión, Ariadna Fernández Blanco de 3º ESO achéganos un booktráiler da novela de Fran Alonso titulada Cartas de amor. Descubriredes historias sobre as inxustizas e as desigualdades a través dunha serie de cartas nas que unhas mulleres contan as súas tristuras, pesadelos e situacións polas que pasaron ou están pasando. 

OS NENOS DA VARÍOLA E A OPERACIÓN BALMIS

    

Mentres agardamos poder retomar a actividade escolar e as reunións do Club de Lectura  temos que adaptarnos á nova situación determinada pola pandemia que percorre o mundo.

Unha das medida adoptadas en España para loitar contra o andazo do coronavirus foi a de decidir que o exército colaborase coas forzas de seguridade para protexer á cidadanía. Esta atuación do exército denomínase Operación Balmis, na honra do doutor do mesmo nome que levou a América  a vacina da varíolan nos corpos de vinte e dous nenos galegos orfos. A expedición, que partiu do porto da Coruña no ano 1803 , conseguiu coa súa xesta salvar moitas vidas.

A lectura é, sen dúbida e máis ca nunca, unha fantástica maneira de evadirnos un chisquiño a través das historias que nos transportan no tempo e no espazo. 

A continuación un booktráiler elaborado por Ariadna Fernández sobre a obra de María Solar que leva por título Os nenos da varíola inspirada na historia da Expedición Balmis.