20 dic 2022

A CASA DE MANGO STREET

 A casa de Mango Street é unha obra da escritora estadounidende  Sandra Cisneros. Neste libro recóllense de xeito fragmentario as vivencias e impresións de Esperanza, unha rapaza que vive nun barrio pobre de Chicago.

Cun estilo moi particular e orixinal, ao xeito de viñetas ou historias intercaladas, a protagonista ofrécenos a súa visión da vida e dos habitantes do lugar ao que ela non quere pertencer. Vai pouco a pouco decatándose de que ten que saír do seu barrio para lograr as súas metas.

Os temas que aparecen ao longo da breve novela son: a pobreza e as desigualdades, os roles de xénero, a busca da propia identidade, a encrucillada da adolescencia, o choque de culturas, a marxinación sufrida polas minorías étnicas...

Chaman a atención especialmente dous aspectos que  Esperanza recolle entre as súas vivencias e reflexións: o feito de que moitas mulleres da súa contorna estean “ atrapadas” pola pobreza, pola maternidade adolescente ou pola violencia patriarcal e a educación como única saída para transcender o destino que lles é imposto pola súa orixe.

A mensaxe da obra é asombrosamente clara a pesar do aparente caos no que se estrutura a narración. A fácil lectura aparente agocha un mundo de detalles que ben merecen un detemento co obxectivo de comprender mellor a historia. Pode lerse como un libro de poemas, non ten necesariamente que ter unha orde, nin é necesario lelo todo seguido. Non hai un fío argumental claro porque o libro ofrece unha visión fragmentaria pero cunha mensaxe clara: a denuncia dos roles de xénero das mulleres chicanas e a importancia da educación.

A historia remata co propósito de Esperanza de marchar de Mango Street e co convencemento de que, cando logre os seus soños, regresará para axudar aos demais a cambiar a súa sorte.



 

Lucía Castro, Sabela Martínez,   Alba Couselo, Alba Carro, Antía López, Nerea Varela e Alia Castro

 

MENÚ DE NADAL

 

Que o ano novo veña cargado de saúde, paz e desexos de ler!!!!!!!!!!






19 dic 2022

UN AGASALLO MÁIS ALÁ DAS FRONTEIRAS

     Dúas nenas, unha galega e outra ucraína, que viven a miles de quilómetro de distancia entran en contacto e, a partir deste encontro, as súas vidas mudarán, pero neste caso concreto para mellor. 
Parte do alumnado do Club Lector de 1º ESO A escolleu este libro de Sabela Núñez Singala. A lectura encantoulles e esta historia, hoxe tan actual, deixou unha forte pegada nas xoves lectoras.
     " O libro gustoume moito e para min ten un significado moi importante. É un libro que ten moitos valores e tamén nos ensina como viven noutros lugares do mundo. Eu este libro volvería lelo", di Noa Cases Prado.
     " Este libro pareceume moi divertido e entretido xa que me encantan os distintos puntos de vista das nenas: a que escribe no diario e a que escribe no blog. Outra cousa moi interesante é a empatía que ten Xiana cos nenos e as nenas do fogar. En conclusión, recomendo moito este libro para todas idades e volvería ler máis libros coma este" comenta Silvia Castro Vázquez.
" Este é un libro moi entretido que conta unha gran historia e recoméndoo moitísimo", di Noa Sánchez Carro e Lucía Villamor.



14 dic 2022

12 dic 2022

LECTORES OLÍMPICOS

    Unha parte do alumnado de 1º ESO A leu neste primeiro trimestre un cómic de Astérix e Obélix. O cómic titúlase Asterix nos xogos olímpicos. 

    No ano 50 antes de Cristo a Galia estaba ocupada polos romanos que se seguían resistindo ao invasor. Nesta ocasión os irredutibles galos vivirán unha aventura en Grecia, alí participarán nos xogos olímpicos coa intención de derrotar os romanos, pero as cousas complícanse cando saben que non van poder usar a súa famosa poción máxica.

    O alumnado gostou moito da lectura, tanto que escolleron seguir lendo cómic no segundo trimestre. Velaí van algúns dos seus comentarios sobre esta lectura.







7 dic 2022

A VOLTAS CON SENLLEIRAS

 

 Laura Vázquez de 1º Bach comparte unha presentación realizada sobre a obra de Antía Yáñez 

5 dic 2022

ENCONTRO LITERARIO


 

2 dic 2022

MULLERES SENLLEIRAS

 

Seguimos cos traballos realizados polo alumnado sobre o libro Senlleiras de Antía Yáñez.  Nesta ocasión, Salma Mariño realiza unha videorecensión onde nos convida a ler esta historia de mulleres senlleiras que non merecen ser esquecidas.

 



SENLLEIRAS (booktrailer)

  

O vindeiro 7 de decembro recibiremos no noso centro á escritora Antía Yáñez coa que falaremos da súa obra Senlleiras. 

Compartimos dous traballos realizados en formato booktrailers de Pablo Astray e Gloria Iglesias (1º Bach)





14 nov 2022

LA TUMBA DE AURORA K... O UN PRETEXTO PARA SEGUIR CONDENANDO LAS GUERRAS

     

Una parte de los fendetestas de 4º de ESO hemos terminado ya la lectura de la novela de Pedro Riestra, La tumba de Aurora K.

   El autor, probablemente marcado por su trabajo en los Balcanes justo después del conflicto bélico entre bosnios y croatas, crea este extenso relato en el que conviven dos tramas: una más ligera, relacionada con la atracción que sienten dos adolescentes, Anna y Danylo, y otra mucho más compleja, relacionada con el pasado familiar de Anna y de su padre, Stefan Malnik.  Esta última, que ocupa la mayor parte del libro, tiene que ver con la investigación de Stefan y de Anna acerca de su familia biológica. Aunque los hechos transcurren en diferentes poblaciones de EE UU, los orígenes de los protagonistas están en Turenia, país ficticio donde décadas atrás se desarrolla una terrible guerra entre dos pueblos oriundos del lugar: urenos y távaros, impulsados los primeros por motivos nacionalistas. Las violentas luchas y persecuciones hacen que aparezcan en escena las figuras de los refugiados de guerra: Stefan es entregado por su padre al abuelo Josef, quien huirá con su familia a América del Norte para iniciar una nueva vida, lejos del odio que invade su país de origen. Allí crecerá, en Little Tavaria,  creará una familia propia y difundirá información sobre los horrores de la guerra turena, para evitar que conflictos de este tipo vuelvan a producirse. La fama hará que un día llegue a su casa una carta revelando datos sobre su pasado y sobre la tumba de su madre. Ahí arranca una labor de investigación, por parte de Stefan y de su hija, que llevará a los lectores a datos terriblemente sorprendentes sobre la identidad de los padres del primero. 

     Muchos son los personajes, con nombres un tanto complicados, que sostienen esta historia salpicada de giros inesperados por el lector: 

     Anna Malnik y su padre Stefan, Danylo, Marko (joven ureno que viene a vivir al barrio de Anna, con su mujer y su hijo), abuelo Josef,  Mike Peterson (investigador contratado por Stefan), Bohdan (quien ejerce de padre de Stefan sus tres primeros años de vida), Kiril Demianko (violento guerrillero ureno, cabecilla de Las Hienas) David Townsed (funcionario del ayuntamiento presente en el traslado de tumba de Aurora K.), Sonia Brachko (urena que trabajó para Victoria K., Darina Zhumi (falso nombre de Inha Demianko), Aurora K. "la sabueso"...

    Y muchos son también los temas de conversación y debate que suscita. Aquí os dejamos algunos de ellos, con pequeñas sugestiones para arrancar comentarios al respecto: 

- LOS NACIONALISMOS:  ¿pueden funcionar como resortes que impulsan al odio entre pueblos? ¿Dónde radica el peligro en estos casos? 

- LAS GUERRAS: ¿alguien puede ver algo útil o justificable en ellas? ¿Qué conllevan siempre?

- LOS CRIMINALES DE GUERRA o el lado oscuro de la condición humana. 

- LOS REFUGIADOS y su drama. ¿Es lo mismo un refugiado que un exiliado? 

- LOS ORÍGENES DE CADA CUAL, LA IDENTIDAD PERSONAL: ¿Qué define más a una persona: sus raíces biológicas o la familia con la que ha crecido, si hay diferencia entre ambas circunstancias? Es fundamental buscar argumentos que soporten las tesis de cada uno. 

- LA IMPORTANCIA DE LA EDUCACIÓN en cada persona: diferentes formas de educar, de enseñar dentro y fuera de la familia. 

- LA AMISTAD Y EL AMOR JUVENIL, como hechos que intervienen decisivamente en las biografías de los adolescentes y de los que ya no lo son tanto... 

- LA INTERTEXTUALIDAD o alusión a otros libros dentro de la narración. 

Seguiremos hablando...

1 nov 2022

SOBRE O SAMAÍN E O HALLOWEEN

     

     Este  foi un Samaín  moi especial no noso centro. Os alumnos e alumnas da ESO tivemos a sorte de poder asistir a unha representación teatral sobre a orixe desta  celebración. O profesor Jesús Iglesias sorprendeunos  coa  súa caracterización e a súa faceta de actor. Velaquí unha pequena reportaxe visual da escenificación que se desenvolveu na nosa biblioteca (perfectamente ambientada para a ocasión). 






    Moitas grazas Jesús, por ensinarnos dunha maneira tan terrorífica e orixinal que o noso Samaín está na orixe do famoso Halloween!

6 oct 2022

REUNIÓN INICIAL

 


17 jun 2022

VIAXES DE VERÁN




 Porque as vacacións ofrécennos a posibilidade de facer o que máis nos gusta...

16 jun 2022

TIKTOK SOBRE A EXPLOTACIÓN INFANTIL


 O alumnado dun dos grupos de 3º ESO elaborou este TikTok inspirado na lectura de La música del viento de Jordi Sierra i Fabra 

15 jun 2022

BELEZA VERMELLA

Karla Rivera (4º ESO)  ofrecénos este  intrigante booktrailer elaborado a parttir do libro de Arantza Portabales



11 jun 2022

LECTURAS COMPARTIDAS: ENGURRAS E MARÍA E MAIS EU

 

A banda deseñada foi a opción escollida maioritariamente polos lectores de 4º ESO para este terceiro trimestre do curso.  As obras Engurras de Paco Roca e María e mais eu de Miguel Gallardo foron a base dun intercambio de lecturas compartidas nunha sesión conxunta que nos serviu para achegarnos á dúas enfermidades como son o autismo e o alzhéimer.

Os lectores de Engurras contaron como se somerxeron na realidade das residencias da terceira idade  a través das imaxes e das historias dos personaxes. Reflexionaron sobre a fraxilidade que caracteriza os anciáns e como desexan o afecto e o contacto cos seus familiares. Asemade decatáronse de como na sociedade actual existe pouca implicación coas persoas maiores e moitas veces son “colocados” nas residencias para non ter que pasar o traballo de coidalos.  Desde o punto de vista da técnica narrativa empregada polo autor chamoulles moito a atención como se ía cambiando do plano da realidade ao da percepción das mentes afectadas pola enfermidade.  


 

Os lectores de María e mais eu compartiron as súas impresións sobre este libro que nos achega dun xeito sinxelo ao mundo do autismo a través da historia desta rapaza. O libro ofrece unha interesante información sobre o xeito de comportarse das persoas que sofren esta enfermidade e a actitude  (moitas veces pouco comprensiva) que teñen os demais cara a eles. María necesita ter todo programado e ordenado na súa vida para sentirse segura. Deste xeito  os pictogramas que lle debuxa seu pai  delimitándolle as tarefas cada día sonlle de  gran axuda.

 

 

Dous libros conmovedores (con senllas versións cinematográficas) que nos permiten  achegarnos e entender mellor estas realidades.