PRIMEIRO QUERO LER, DESPOIS IGUAL LEO OUTRO POUCO E SEGURAMENTE ACABE LENDO...

 

Un ano máis festexamos o Día do Libro e, con tal motivo, algúns profesores e a nosa rapazada recoméndamosvos, a partir da experiencia lectora de cadaquén, títulos que vos poden ser ben proveitosos. Que vivan os libros! Que sería de nós sen ese tesouro tan cercano como marabilloso?

 

 

VÍDEO CON RECOMENDACIÓNS LECTORAS

VISITA AO MUSEO DAS MARIÑAS E AO CASCO HISTÓRICO DE BETANZOS

      

    O pasado 26 de marzo a rapazada do IES de Curtis puido desfrutar dunha visita ao Museo das Mariñas e dun percorrido polo casco vello da  vila betanceira. A nosa guía Elena, técnica de cultura do Concello de Betanzos, acompañounos nunha visita ben entretida na que descubrimos moitos recunchos e datos ben interesantes. Moitas grazas pola súa simpatía e amabilidade!

 

SOBRE A ESCOLA E A EDUCACIÓN

As alumnas de Paula Carballeira é unha obra de teatro que nos fai reflexionar sobre a importancia da educación e a influencia dos docentes na formación da personalidade dos nenos e adolescentes. 

Comentarios en formato videorecensión de Laura García e Alexandra  Tomé e booktrailer de Paula Rey.

 

O CLAN DAS BARBIES

 Estamos preparando a visita de Antía Yáñez coa que intercambiaremos impresións lectoras sobre as súas obras Senlleiras e O clan das barbies.

Compartimos algúns dos traballos realizados polo alumnado de 2º de bacharelato, en concreto  bootrailers de Uxía  Vázquez e Marta Cao. 

 

 

 

 

PEPERETADAS DE ENTROIDO (lemos e degustamos receitas tradicionais)

     

     O alumnado de portugués  recompilou e elaborou algunhas receitas tradicionais do Entroido do país veciño que puidemos saborear no concurso de Peperetadas (sección de Sobremesas Internacionais) que facemos no noso centro. Compartimos algúns dos vídeos nos que se poden ver os cociñeiros coas mans na masa.

 

 

 

LENDO E DEGUSTANDO RECEITAS DO ENTROIDO

 

    No Club de Lectura Fendetestas ademais das lecturas tradicionais tamén recollemos outras propostas lectoras en diferentes formatos. Un ano máis celebramos o Entroido galego recompilando receitas típicas desta celebración e incorporamos unha sección de sobremesas internacionais. As lecturas e as comidas serven como un nexo de integración das diferentes culturas, unha loa á diversidade que tanto nos enriquece como persoas. Velaquí unha mostra da reportaxe fotográfica da celebración.

 https://www.instagram.com/reel/DVMN_UDgIzO/

 

 

 

HAI MULLERES...

 

Ainara Castro comparte este booktrailer sobre o libro de Marilar Aleixandre que leva por título  As malas mulleres.