EXCURSIÓN DO CLUB DE LECTURA

      

      O pasado martes, 17 de abril, un  grupo de alumnos de 1º, 2º, 3º e 4º de ESO do club de lectura do IES de Curtis, visitamos   en Santiago de Compostela o Museo Pedagóxico de Galicia (MUPEGA). 

EXCURSIÓN MUPEGA on PhotoPeach

   

     Durante a actividade puidemos  observar, coa axuda dos guías que nos foron comentando distintos aspectos, as diferenzas máis significativas nas  aulas sobre a distribución das mesas, os libros, os elementos relixiosos, as bandeiras…

     Iniciamos o percorrido coa explicación das aulas por orde cronolóxica; a primeira que puidemos contemplar foi a  escola de ferrado, na que un escolante reunía aos escasos rapaces da vila para impartirlles clase na súa casa. O alumno pagaba este servizo mediante un ferrado de cereal, medido nun caixón de madeira.

      A continuación visitamos a  aula da restauración borbónica (finais do século XIX e principios do  XX), que tiña moi presente a separación por sexos, o aspecto relixioso e unha relación vertical entre mestre e alumnado que se representaba mediante a  presenza da tarima. A figura do rei, Alfonso XII, tamén foi moi relevante nas aulas e escolas .

      A aula da república  (1931-1936), presentaba como característica básica a procura da  igualdade en todos os aspectos sociais; na educación, pódense concretar os seguintes: o mestre aparecía mantendo  unha relación máis horizontal co alumno (desaparición da tarima) e ademais o ensino  era mixto. No percorrido fixámonos tamén nos cambios das bandeiras,  por exemplo, na república presidía a aula a tricolor (vermella, amarela e violeta). Nesta época quixéronse emprender ambiciosos proxectos e programacións igualitarias, pero víronse limitados pola escasa e pésima economía.

      Chegamos á aula do franquismo (1939-1975). Supuxo o regreso  ao modelo de separación de sexos e á recuperación da superioridade do mestre sobre os escolares. A bandeira era, polo tanto, a do franquismo, coas cores actuais e a característica aguia , o xugo e as frechas.

     Deixamos o andar dedicado exclusivamente ás aulas e dirixímonos a unha interesante exposición sobre xoguetes  antigos  organizados por épocas  e materiais. Cada un deles estaba acompañado dun pequeno panel con información. Tamén puidemos ver unha caixa  de primeiros auxilios e diversos materiais médicos.

     A continuación accedemos ás aulas de indianos. Estas posuían mellores  instalacións e materiais educativos (láminas, proxectores… ) que supoñían unha verdadeira innovación para a época. Estaban sufragadas polos emigrantes galegos.

      Para finalizar, puidemos sentar nas cadeiras dunha reprodución dunha aula antiga e experimentar unha sensación semellante ao que sentirían os   os nosos pais ou avós cando escribían  nas “pizarras”. Rematamos a visita contemplando un fermoso cadro de Julia Minguillón titulado A escola de  Doloriñas.  Foi, sen dúbida, unha interesante experiencia na que aprendemos moito  dunha maneira moi entretida e dinámica.

     Lois  Couso, María  Couceiro e Nadia Fernández

FALANDO SOBRE A CAIXIÑA DOS RANCORES

         Neste mes que agora remata,  os fendetestas de 3º de ESO vimos de  ler A caixiña dos rancores, de Héctor Cajaraville. Trátase dunha novela na que o protagonista, un rapaz que vén de rematar Bacharelato, atropela coa súa moto unha anciá -Chiruca-. A xuíza Felpeto imponlle ao rapaz, como condea, acompañar á víctima do atropelo durante o mes de xullo un par de horas polas tardes. Estevo, que así se chama o mozo, cumpre a obriga imposta e vai coñecer, por boca de Chiruca, unha curiosa historia do seu pasado: a muller, que vive soa, quedou viúva ben nova e deu a luz pouco despois un rapaz que naceu morto, pero que ela non chegou a ver. Este feito vai desencadear unha investigación por parte de Estevo e de Paula -a súa moza-, que destapará un feito formidable: Chiruca non tivo un fillo, senón unha filla e está viva, aínda que a anciá non imaxine tal cousa...

       A novela resultounos de lectura fácil: pensamos que mesmo lle sobran páxinas, pois algunha parte do relato podería desaparecer e non pasaría nada relevante para o desenvolvemento da acción (por exemplo, o relacionado co traballo da nai do protagonista). Os aspectos que máis destacariamos nesta historia son os seguintes: 

- A presenza de personaxes novos, que conectan con nós. 

- A orixinalidade de presentar unha relación de amizade entre un mozo e unha muller que podería ser a súa avoa. 

- A temática do rapto de rapaces ao nacer durante a época franquista, cunha total indefensión das pobres nais, moitas veces solteiras ou viúvas (coma Chiruca) e con pouca formación para protestar ou investigar. 

- A participación no relato  dunha xuíza que dicta sentenzas exemplares. Este elemento temático serviunos para falar da xustiza na sociedade actual e levounos a coñecer ao xuíz Calatayud, coñecido polo enfoque "práctico", "humano" e "socializador" das súas sentenzas. Aquí vos deixamos un vídeo no que se presenta o seu traballo e o seu perfil humano. 

     

Agora só nos queda agardar o encontro co autor da novela, ao que esperamos recibir no noso IES antes do remate deste curso. 

ENCONTRO CON VÍCTOR FREIXANES

        
      O alumnado de 1º de bacharelato mantivo  o pasado 9 de abril un encontro literario co escritor e actual presidente da Real Academia  Galega Victor Freixanes. A actividade, organizada polo Departamento de Lingua Galega e Literatura, estaba centrada na súa obra Cabalo de ouros. A crónica desta interesantísima charla está publicada no blog de Curtisbiblio. 

        No club Fendetestas queremos compartir a nosa ledicia e entusiasmo por ter a oportunidade de gozar da enriquecedora personalidade de Víctor Freixanes.  Asemade, dende o noso espazo na rede, queremos darlle difusión  á magnífica video-recesión elaborada por  Laura Míguez.

SEMANA DO LIBRO EUROPEO NO IES DE CURTIS

        Ao longo desta semana, desde o 23 de abril ata o día 30,  podedes entrar no noso blog de biblioteca  para coñecer as videorecensións feitas polo  noso alumnado sobre diferentes autores e títulos da literatura europea. 

        Con esta actividade queremos contribuír non só á celebración do Día do Libro, senón tamén á difusión do acervo literario do continente, obxectivo importante para Curtisbiblio  neste ano 2018, Ano Europeo do Patrimonio Cultural. 

https://curtisbiblio.blogspot.com.es/

O CURIOSO INCIDENTE DO CAN Á MEDIA NOITE

       Esta novela do escritor británico  Mark Haddon é unha das obras máis coñecidas da literatura contemporánea. Conta a historia dun rapaz de quince anos chamado Christopher que vive co seu pai na cidade de Swindon e que ten síndrome de Asperger, un trastorno do espectro autista. A trama iníciase cando atopa morto o can dunha veciña e quere investigar as causas do falecemento. Decide, por consello da súa profesora de Educación Especial, anotar todos os descubrimentos nun caderno.  Dese xeito, o lector vai coñecendo datos da súa vida relativos  á realidade cotiá  e  tamén sobre a relación que o dono do can mantiña coa súa nai e o “falecemento” desta. A actitude do  pai  determina a sucesión dos acontecementos ata chegar a un sorprendente desenlace que non imos desvelar.

O curioso incidente do can á medianoite é un libro que nos ofrece momentos de humor mesturados coa intriga detectivesca, pero, sobre todo, o que destaca é a grande sensibilidade e a visión da perspectiva  da realidade que ofrece o protagonista.

Nas sesións que lle dedicamos a esta obra falamos das relacións entre os pais e os fillos e das consecuencias que pode implicar a nivel emocional a ruptura da unidade familiar. Tamén tratamos o tema do Asperger e do que aprendemos coa lectura da obra sobre esta síndrome. Xurdiron comentarios sobre personaxes de ficción como Sherlock Holmes ou Sheldon Cooper (Big Bang Theory) que presentan características que encaixan perfectamente nese perfil. Soen ser persoas extremadamente intelixentes que perciben a realidade dun xeito peculiar. Adoitan presentar dificultades para comprender o comportamento humano e, moitas veces, teñen dificultades para relacionarse.  

 Os comentarios sobre o libro foron moi diversos: para algúns, o comportamento do rapaz resultaba ás veces un pouco exasperante; a outros, o feito de que o protagonista fose un mozo con Asperger resultoulles moi interesante e valoraron  moi positivamente a posibilidade que a narración ofrece de coñecer un pouco mellor como funciona a mente destas persoas. A mestura de elementos presentes na obra: amor, rexeitamento, misterio, diversión... constrúe unha narración moi  estimulante e pouco convencional. Como curiosidade, destacouse o feito de que non hai capítulos pares, todos son impares, feito este determinado por unha das moitas obsesións do protagonista.

Rematamos recomendando a lectura dunha obra singular, orixinal, entretida, emotiva e enriquecedora.

 Lucía  Vigo, Jinlei Dong e Cristian Morandeira

O AGASALLO DE ANYA

      Vimos de ler, algúns dos fendetestas de 1º de ESO,  a noveliña O agasallo de Anya, de Sabela Núñez Singala. Pareceunos un relato tan sinxelo coma interesante: canto se pode dicir nun libriño tan pequeno! O certo é que nos serviu para recordarnos da sorte que temos por vivir nun país onde hai escolas e hospitais e nunha familia que nos permite poder escoitar e abrazar cada día aos nosos pais e irmáns. 

Velaquí algunhas das nosas reflexións, expostas na tertulia posterior á lectura da novela: 

- Unha das cousas que máis me gustou do libro foi que onde vive Anya os nenos maiores ensinaban o que sabían aos pequenos. Nós, como temos profes....                                                  

Tamén me fixo pensar  que a Shasha non lle fixeran caso ó comenzo os rapaces españois: terían que acollelo doutro xeito.                                                                                           (Ari)          

- Que mal o pasan os nenos que viven en países coma o de Anya ou en Siria, én Israel ou en moitos países de Africa...                                                                                                           (Manuel)

-  Dentro das condicións en que viven eses nenos ucraínos, teñen a oportunidade de aprender cousas e de vivir con outros rapaces que lles van axudar a ser mellores... Descubren valores moi importantes na vida.                                                                                                      (Zoraida) 

L’HOMME AU MASQUE DE FER

     Os fendetestas de 4ºESO de francés, embarcámonos na lectura do libro de Alejandro Dumas, L’homme au masque de fer, que narra a historia dun persoeiro francés que está encerrado na prisión da Bastilla, por motivos que se descoñecen, pero si hai algo moi curioso: o prisioneiro garda certa relación co antigo rei francés Luis XIV, ao parecer é o irmán xemelgo do anterior, pero axudado por Aramis, e liberado co fin de reclamarlle a coroa, a seu irmán, máis tarde é descuberto, o que levará represalias.

OS FENDETESTAS DE 4ºESO

FESTIVAL DE TEATRO GRECOLATINO

Un ano máis o alumnado de clásicas do IES de Curtis asistiu a súa cita habitual co Festival de Teatro Grecolatino, organizado pola SEEC. As obras que escollemos este ano foron a traxedia grega Edipo rei, de Sófocles, e a comedia romana Cásina, de Plauto. A continuación, podedes ver os vídeos que sobre estas dúas obras fixo  o alumnado do Club de Lectura de Cultura Clásica de 3º ESO-B.

AS FRONTEIRAS DO MEDO

       
      Elaboradísimo booktráiler de Nadia Fernández sobre o libro de Agustín Fernández Paz. Quen se atreve a mergullarse nestas misteriosas historias?

ENCONTRO CON MARISOL ORTIZ DE ZÁRATE

  

 Nesta segunda semana que xa remata tivemos a sorte de poder abrirlle as portas da nosa biblioteca á novelista vasca Marisol Ortiz de Zárate, quen nos contou como entrou no mundo da literatura, como se fixo escritora e de onde arrincan  os motivos que inspiran algunhas das súas narracións. 

 O  alumnado de 1º de ESO e os membros do club de lectura de 2º de ESO, todos eles coñecedores de obras súas (Las lágrimas de la matrioska, La canción de Shao Li, Rebelión en Verne, Cantan los gallos...), escoitaron de primeira man como esta autora se namorou pouco a pouco da literatura ata atreverse a crear ele mesma as súas ficcións. Incidiu en que antes de ser escritora foi unha gran lectora: este gusto pola lectura naceu ó carón da apertura dunha biblioteca preto da súa casa. Esta ansia por  ler levouna a coñecer máis e máis historias, que, sen dúbida, están moitas veces, detrás da súa faceta creadora (pensemos na novela Rebelión en Verne, onde fai un recorrido polas obras do autor francés). 

     Respondeu a numerosas preguntas dos rapaces sobre as obras que tiveron oportunidade de ler neste trimestre. Soubemos que o seu gusto por presentar parellas de irmáns como protagonistas das súas obras nace dos fortes lazos fraternais na súa familia: son oito irmáns cunha moi boa relación.  Tamén o tema do irmán que se perde ten unha orixe autobiográfica: cando era pequena os pais levávanos moitas veces de viaxe para coñecer distintos lugares de España e, como eran tantos, ela tiña medo de que se perdera algún dos rapaces; ese temor infantil é a causa de que algún dos protagonistas desapareza momentaneamente. 

     Como viaxa con certa frecuencia, esas viaxes e o que observa nelas sérvenlle a miúdo como fonte de inspiración: agora entendemos por que La Canción de Shao Li está ambientada en Londres e Las  lágrimas de la matrioska en Kiev... 

      Esta "contadora de historias" -é como ela se define- e gran lectora da inmensa obra de J. Verne recomendou ao seu público xuvenil a obra Hoyos, de Louis Sachar, escritor no que se inspira con frecuencia á hora de crear novas ficcións. 

     Desde aquí dámoslle as grazas por compartir con nós as claves do seu oficio e dos seus atractivos  mundos de ficción. 

NO PODEMOS SER "ROSTROS DE LA SOMBRA"

      

       Un grupo de fendetestas de 3º de ESO hemos acabado la lectura de El rostro de la sombra: nos ha gustado por su temática actual, relacionada con los usos de los móviles y sus peligros. No nos imaginamos las consecuencias que puede llegar a tener lo que hacemos cuando bebemos más de la cuenta o cuando no nos paramos a pensar en el daño que podemos hacer a los demás si no medimos las consecuencias de nuestros actos...

      Lo que hacen los muchachos protagonistas no está bien, pero tampoco lo está lo que hace el padre de uno de ellos para encubrirlo y para mantener su reputación. ¡Los padres tendrían que ser un modelo para los hijos! Y no siempre es así...  El autor invita a pensar en el papel que tienen las familias en la educación y en la forma de actuar de los hijos.

   
Aparte del tema de las nuevas tecnologías, que nos hace pensar - y mucho - Alfredo Gómez Cerdá acierta de lleno incluyendo la temática sentimental: el hecho de que el protagonista provoque el accidente de la madre de su novia le da mucho más interés al argumento. 

Os recomendamos esta lectura: es rápida, intrigante y nos invita, sobre todo a los jóvenes, a pensar antes de actuar, pues las consecuencias de las conductas irresponsables son inimaginables... 

LAS LÁGRIMAS DE LA MATRIOSKA

        Varios alumnos del club de 1º de ESO hemos acabado estos días de leer la novela Las lágrimas de la matrioska, de Marisol Ortiz de Zárate, escritora con la que podremos charlar próximamente,  pues vendrá a visitarnos al centro.

        El libro está escrito en 1ª persona: una niña,, nos va contando día a día,  en forma de diario,  sus aventuras en Kiev (Ucrania). Allí ha viajado con Marimbo, su hermana mayor. Las dos hacen este viaje con el fin de visitar la escuela de circo de esa ciudad, ya que Marimbo es toda una aprendiz de trapecista y está acostumbrada a hacer viajes "mochileros" al extranjero. Allí su vida se va a cruzar cn la el pequeño Olek, un vendedor de matrioskas. El niño les manda un mensaje de socorro en una de esas muñecas tan bonitas. Las dos hermanas se empeñan en ayudarle y descubren una trama de explotación infantil en la que está metido un loco comunista que no acepta que Ucrania es ahora un país nuevo, más moderno y más  libre.

      Nos ha gustado el libro porque es de fácil lectura, porque nos ha permitido investigar sobre países lejanos y porque nos ha mantenido intrigados hasta el final. Además como las protagonistas son jóvenes nos hemos sentido muy identificadas con ellas. Y, en fin, el pobre Olek y sus amigos, víctimas todos de unos adultos inconscientes y egoístas nos ha dado bastante qué pensar. ¡Cuántos Olek hay en el mundo real que no pueden vivir como los niños que son! En Ucrania, en Asia, en Sudamérica... Y seguro que en muchos rincones de los países ricos... Aún queda mucho por hacer para que el mundo sea más justo, más solidario, menos cruel y desinteresado...  Como este personaje viene de Chernobyl, hemos charlado también sobre la energía nuclear y sus peligros, sobre las energías alternativas y renovables... Y sobre la preocupación de muchos escritores por mejorar la conciencia ecológica de los lectores, tal como Agustín Fernández Paz en As flores radiactivas...

    Cerramos la tertulia formulando preguntas que la autora podrá respondernos presencialmente. Aguardamos con impaciencia el encuentro.