E SEGUIMOS CON 22 SEGUNDOS

 

Os lectores e as lectoras de 2º ESO  puxemos punto final á lectura da 22 segundos de Eva Mejuto. O libro conta a historia de Xela/Álex, unha persoa que sente que a súa identidade de xénero non coincide co sexo que lle asignaron ao nacer.  Medra sentíndose  identificado cos gustos e as roupas tradicionalmente asociados aos nenos, ata que inicia o seu cambio de identidade. Este proceso leva asociado moitas dificultades ata conseguir ser aceptado por el mesmo e tamén asumido polas persoas da súa contorna.  

A lectura do libro serviunos para comprender como se debe sentir alguén nunha situación coma esta. Na posta en común de ideas estivemos de acordo en que cadaquén ten que buscar atoparse ben consigo mesmo e non deixarse levar polos estereotipos asociados ao sexo. Respecto a iso, comentamos que moitos deses estereotipos nos parecen  tremendamente ridículos como,  por exemplo, relacionar os nenos  pequenos coa cor azul e as nenas coa cor rosa.  A lectura do libro serviunos para comprender que hai persoas que non se senten cómodas coa imaxe e co papel que lles marca a sociedade por ser nenos ou nenas.  Ademais dos sentimentos de Álex, tamén nos chamou a atención a diferente reacción da familia e o importante papel que ten esta á hora de afrontar as dificultades da vida. Comparamos as actitudes  da nai (que, ao comezo, parece non querer darse conta da problemática que sente o seu fillo)  e  do  avó (que será o que antes se decate do que está sufrindo  o seu neto e asuma con normalidade a nova situación).  Finalmente, o protagonista inicia o proceso de cambio, conseguindo deste xeito sentirse mellor consigo mesmo e  logrando ser  aceptado coa súa nova identidade pola súa familia e amizades.

Para rematar, temos que dicir que a lectura deste libro foi moi agradable, fácil e entretida.  En xeral gustounos moito como describe ó protagonista e o xeito de contar os seus sentimentos. Pareceunos moi interesante o feito de que tratase o tema da transexualidade  e serviunos para entender mellor esa realidade que nos resulta  descoñecida.

Irene, Antía, Alexandra, Darío, Nicolás e  Diego (2º ESO )

MEMORIA DO SILENCIO

 

 Ariadna Fernández comparte este suxestivo book-trailer que nos anima a ler Memoria do silencio de Eva Mejuto.  Esta historia lévanos ata as terras de Ribadavia, lugar onde as irmás Touza (tamén chamadas as  "Schindler galegas") axudaron a centos de xudeus a fuxir dos nazis cruzando a fronteira de Portugal. 

ARREDOR DE 22 SEGUNDOS

     Os fendetestas de 3º de ESO acabamos nestes días de ler a novela 22 segundos, de Eva Mejuto. Nela Xela-Alex conta a súa experiencia vital: naceu cos trazos físicos dunha nena (Xela), pero séntese un rapaz (acabará recompoñendo o seu nome e chamándose Alex). 

     O relato empeza en xaneiro de 2017, data na que Alex, próximo xa á súa maioría de idade, e inmerso xa no tránsito de cambio de sexo, decide subir á rede un arquivo onde se fai un repaso retrospectivo da súa vida anterior (desde os cinco anos), boa parte coa identidade de Xela: 

"Abro este blog para compartir con vós anacos da miña vida... tamén do que está por vir."

     Iso é o que di diante da web-cam e ese arquivo dos anos pasados  tarda 22 segundos en subir á internet. Alí están as imaxes que retratan os anacos máis doces e máis amargos da vida de Xela-Alex ó carón da súa disforia. A autora fai corresponder un capítulo a cada segundo: cada un deles recolle un episodio importante na vida de Xela para que acabe convertíndose en Alex. 

     Hoxe a nosa conversa sobre 22 segundos xirará arredor destas cuestións, todas elas enraízadas na novela de Eva Mejuto:  

 - Conceptos: 

Disforia, colectivo LGTBI, proceso de transición, canais FTM, masectomía, tratamento en T, trastorno da identidade, Bulling. 

 - Indicios cos que Xela-Alex mostra a incomodidade que lle produce ser unha rapaza, a través destas palabras-clave: 

chandal, melena, debuxos na escola, carta aos reis, relación coa avoa Helena, o traxe da comuñón, o equipo de fútbol do colexio, os comics, Ana. 

-  Relacións co entorno: 

  Avoa Helena, Anxo, primeira orientadora e primeiro psicólogo  VERSUS  súa nai, o avó, a profesora e a directora, Ana, segunda orientadora e nova psicóloga, Hadrián,

 - Temas: 

a) Disforia (a disforia de xénero preséntase como a non coincidencia entre o sexo asignado a un rapaz ou rapaza ao nacer  e a súa identidade sexual). 

b) Estereotipos de xénero (os estereotipos son xeneralizacións erróneas sobre un colectivo: certos trazos ou accións poden ser reais ou certos nalgúns membros pero non no conxunto; a cotío están relacionados cos prexuízos sociais). 

c)  Relacións familiares, fundamentais na educación dos fillos. Os entornos condicionan, facilitando ou dificultando, o desenvolvemento persoal de cada individuo. No caso de Xela-Alex a avoa paterna é un axente de frustración na neta e o avó materno, malia a súa idade, é un piar básico para que o protagonista se decida a cambiar de sexo.  

d) Amizade / empatía. Ana, primeiro amiga e logo algo máis, xunto con Hadrián e outros mozos que coñece por internet son persoas que axudan a Xela-Alex a loitar pola transición sexual.   

e) Escola: o seu papel socializador e inclusivo. O papel de Anxo. 

f)  Necesidade de profesionais ben formados e con coñecementos actualizados: a profesora Mari Carmen, as orientadoras e os profesionais da psicoloxía.    

g) As redes sociais: pros (¿e contras?) 

Despois da nosa conversa, gustaríanos preguntarlle á autora: 

SOBRE PALABRAS ENVELENADAS...

 

Palabras envelenadas de Maite Carranza foi unha das lecturas escollidas por un dos grupos de 4º ESO para o segundo trimestre do curso. A historia da misteriosa desaparición dunha rapaza chamada Bárbara Molina é a base para  unha investigación na que as pezas vai encaixando coma nun quebracabezas. De feito, un dos comentarios que se  fixo na reunión mantida para falar da obra, foi que as lectoras do club ían cambiando de sospeitoso conforme avanzaba a lectura.  Todas estiveron de acordo en valorar o desenlace como  moi sorprendente. A temática da novela xira en torno aos abusos sexuais e psicolóxicos e as relacións familiares. Son moitos os sentimentos e emocións reflectidos a través dos personaxes: o medo, a hipocrisía, o sentimento de culpabilidade ante as agresións... Chamou a atención a existencia de relacións especialmente tóxicas e como os familiares máis achegados poden converterse en auténticos inimigos.Tamén se comentou a calidade literaria da obra, valorando especialmente a concentración da acción nun tempo moi limitado, xa que trancorre nun só día.

En definitiva, Palabras envelenadas é unha novela adictiva, amena, cun ritmo narrativo rápido e dinámico que empurra a non parar de ler ata o final. Totalmente recomendable!!!

 Paula Carrasco, Alia Castro, Noa Maques, Mireya Sánchez, Lucía López, Karla  Rivera e Salma  Mariño 

Para rematar, compartimos unha  magnífica recensión sobre a obra realizada por Alia  Castro:

FANTASMAS DE LUZ (Vídeo-recensión)

 

Natalia Vázquez Sánchez (2º Bach) recomenda a lectura de Fantasmas de Luz de Agustín Fernández Paz. 

 

 

SOBRE AS GUERRAS E AS SÚAS CONSECUENCIAS...

  Un dos libros xa clásicos no noso Club é A neta do señor Linh. Ano tras ano repetimos a súa lectura coa seguridade de que a realidade cruel da guerra e as súas terribles consecuencias servirán para decatarnos das dimensións humanas que teñen estes conflitos. Cando os lectores de 4º da ESO escolleron esta obra non comezara a guerra  en Ucraína que actualmente conmove ao mundo coas imaxes dos bombardeos e dos refuxiados. Por desgraza, a guerra non é un episodio da historia dun pasado máis ou menos remoto. A crueldade do conflito é unha realidade do noso presente  e asistimos como espectadores a historias de traxedias familiares que poderían pasarnos a calquera de nós. Resulta impresionante ver como persoas inocentes e totalmente alleas aos intereses políticos ven alterada a súa vida e teñen que abandonar as súas casas e, ás veces, a parte da súa familia.

Con este terrible contexto de fondo do cadro a lectura da obra de Philippe Claudel resultounos tremendamente conmovedora e máis actual ca nunca.  Todos estivemos de acordo en resaltar a orixinalidade da historia e o sorprendente desenlace. A coidada narración, atendendo ao mínimo detalle, fai que despois de chegar ao final nos decatemos de que todas as pezas encaixan. É, sen dúbida, un libro para volver a ler cunha nova visión e atendendo a eses pequenos detalles que nunha lectura inicial poden pasar desapercibidos.

Rematamos destacando que este libro é un canto á esperanza é á capacidade do ser humano para volver a inventarse a pesar das adversidades. A amizade e a solidariedade poden ser unha axuda para volver a atopar un sentido á existencia ante tanta destrución.

Nerea Varela, Laura Vázquez, Julián  Merelas, Laura Bermúdez e Enzo García (4º ESOI)

 

ÚLTIMOS PASEOS POR EL LONDRES DE OLIVER TWIST

     

    Hoy hemos tenido la última tertulia sobre la obra de Ch. Dickens. Las peripecias de Oliver Twist nos han adentrado en el Londres de la época victoriana (S. XIX), caracterizado por las enormes desigualdades sociales entre los nobles adinerados y la clase baja. 

    La ciudad, pintada como un lugar sucio, inhóspito e inseguro, acoge delincuentes desalmados, violentos y peligrosos, como Sikes, Monks, Fagin... La explotación infantil, de la que es víctima el pobre Oliver y sus "compañeros", el trato violento, la prostitución, la delincuencia en sus diferentes formas, una justicia ineficaz e instituciones -como los orfanatos- que funcionan mal nos adentran en un ambiente terrible para un niño huérfano: ¡a saber cuántos Oliver Twist existieron realmente en la ciudad londinense de la época! Dickens, como escritor realista, pone ante nuestros ojos esa sociedad llena de injusticias donde parece que todas las desgracias recaen sobre personajes como Oliver o Nancy, auténticas víctimas.  

    

    Y ante todo eso, a pesar de que el tiempo ha traído grandes avances en lo que se refiere a la injusticia social, no debemos olvidar que hay todavía países del mundo en los que los niños siguen siendo mano de obra barata y no pueden acceder a los derechos básicos. A través de este enlace, puede verse cuánto camino nos queda aún por recorrer: 

EL TRABAJO INFANTIL. UNICEF

CINCO PAÍSES EN DONDE EL TRABAJO INFANTIL ES COMÚN

    Ya para terminar, como hemos hablado en la reunión del gran número de personajes que Dickens emplea en el entramado de la acción de esta novela, dejamos aquí, a modo de resumen, un esquema que nos ayuda a concretar el papel de cada uno en la acción. ¡Ah!  Y cuando acabemos con todo el lío de exámenes que tenemos, toca ver la versión cinematográfica que R. Polanski hizo de Oliver Twist! En breve... 

FALANDO CON ANTÍA YÁÑEZ

 

    O encontro que mantivemos coa escritora Antía Yáñez non puido ser máis interesante. Falounos do seu libro O misterio de Portomarín, da historia do encoro de Belesar e de como lle cambiou a vida á veciñanza do lugar. A través de fotografías antigas transportounos ao pasado para contarnos como era a vila antes do asolagamento. Soubemos que, coa chegada do encoro, parte das construcións foron trasladadas a outro emprazamento. Pareceunos moi curioso que a igrexa  fose levada pedra a pedra  ata unha nova ubicación.

    Ademais da historia de Portomarín, a autora falounos do proceso da creación literaria. Contounos como as súas lecturas da infancia e adolescencia influíron na escolla dos protagonistas. Tamén nos comentou que se inspirou nunha familia veciña súa para asignarlles os nomes aos personaxes principais.  Despois de falarnos de O misterio de Portomarín respondeu ás nosas numerosas preguntas sobre outros libros que ten escritos e sobre  como se iniciou na profesión de escritora. 

    Foi, sen dúbida, unha charla moi entretida na que aprendemos moito sobre  o pasado de Portomarín  e o proceso de elaboración dos libros. Rematamos esta pequena crónica agradecendo a Antía Yáñez a súa presenza no noso centro e a  súa amabilidade e atención. 

PREPARANDO O ENCONTRO CON ANTÍA YÁÑEZ

 

O vindeiro xoves, 17 de febreiro, a rapazada de 1º da ESO manterá un encontro literario coa escritora Antía Yáñez.  É autora de obras  como O misterio de Portomarín, Senlleiras, O misterio do torque de Burela, Be water, Plan de rescate, Non penses nun elefante rosa...  Na súa traxectoria destacan os recoñecementos en forma de numerosos premios como o Illa Nova de Narrativa por Senlleiras ou O Premio Agustín Fernández Paz pola Igualdade que recaeu na obra  Plan de rescate.  

Ao Ies de Curtis vén para falarnos de O misterio de Portomarín, unha historia que nos leva de viaxe por esa vila de Lugo que cambiou radicalmente coa construción do encoro de Belesar.

OLIVER TWIST

 

    Os fendetestas de 3º de ESO estamos nestas semanas a voltas coa lectura de Oliver Twist, de Charles Dickens. Mentres imos avanzando na lectura da novela imos tamén familiarizándonos coa época na que se ambienta a novela, coa maneira de vivir e convivir no século XIX e buscamos documentación que nos permita saber máis...

https://elpais.com/diario/2004/11/18/u
ltima/1100732401_850215.html  SER NENO NO LONDRES DE FINAIS DO SÉCULO XIX 

https://pedrofloresprofe.wordpress.com/2017/10/22/dickens-y-la-revolucion-industrial-tiempos-dificiles/ DICKENS, O ESCRITOR QUE NOS MOSTROU A PAISAXE DA REVOLUCIÓN INDUSTRIAL INGLESA