VIAJE IMPREVISIBLE... CON LAS BABUCHAS FATÍDICAS

     En uno de los grupos de 1º de ESO, estamos leyendo relato corto. Empezamos, pensando en Halloween, Difuntos y Samaín, con La litera superior, historia llena de misterio y terror. Ahora estamos comentando lo que nos ha parecido Las babuchas fatídicas, un cuento extraído de Las mil y una noches, repleto de humor: un boticario muy tacaño lucha por deshacerse de sus desastrosas babuchas, pero no lo consigue y éstas no le traen más que desgracias que adelgazan su fortuna.

       Curiosamente, el libro nos ha servido para investigar sobre calzados y costumbres ligadas a su uso en distintos países del mundo: la tradición que más nos ha impactado es la de los pies de loto, practicada por las mujeres chinas de clases acomodadas hasta finales del siglo XIX. ¡Vendaban sus pies para que no midiesen más de 7 cm! 

      Esa información nos llevó a buscar datos e imágenes  sobre otros pueblos que deforman su cuerpo como si fuese algo totalmente normal. Así supimos que hay mujeres que estiran su cuello con aros ("mujeres jirafa"), tribus que afilan los dientes (los Bali), la tribu Maasai, que expande los lóbulos de las orejas, la tribu Sepik, que se hace cortes para semejar su piel a la de los cocodrilos...  ¡Nos hemos dado cuenta del poder de las culturas sobre las personas! ¡Impresionante!

                                                                Fendetestas de 1º ESO A-B

CARTAS DE INVERNO

 Algúns dos Fendetestas de 1º ESO aproveitamos as  pasadas vacacións de Nadal para ler  unha novela de Agustín Fernández Paz que se titula  Cartas de inverno. Todos estivemos de acordo en que nos pareceu unha historia ben misteriosa e interesante e queremos contarvos un pouquiño o seu argumento.

Adrián, un recoñecido pintor a nivel internacional, merca unha casa pretendidamente “encantada” aceptando un reto que lle fixo un  amigo seu  escritor que se chama Xabier. Cando se traslada a vivir a ela comezan a acontecer unha serie de feitos estraños ou paranormais:  incomprensibles chamadas telefónicas, mensaxes de peticións de socorro a través do fax, debuxos petroglíficos nas portas… Pero o máis desacougante dos fenómenos acontecidos na casa foi para nós foi o dun gravado  que ía cambiando a imaxe. O protagonista atopou un libro no faiado; nel había un debuxo que non  figuraba no índice no que aparecía unha rapaza nunha habitación. O incrible é que cada vez que Adrián  volvía mirar o debuxo a rapaza tiña cambiado de posición .

 Non vos contamos máis, pero aproveitamos para deixarvos as nosas impresións e recomendarvos que vos animedes a lelo.

 Sabela comenta que lle pareceu unha novela moi interesante, xa que  intriga dende o principio e obriga a seguir lendo.  Unicamente  cambiaría o final porque lle gustaría que fose máis concreto.

Leonardo di que a pesar de que el non é un lector entusiasta da temática de misterio, acabou “enganchado” pola historia. Explica que, xa dende o comezo, crea moito afán por saber o que vai pasar a  continuación. O final tamén lle pareceu un pouco raro.

Ángela, que leu a versión en banda deseñada, comenta que os debuxos eran  impresionantes e  que a historia lle pareceu moi intrigante. 

Yago remata recomendándovos o libro e definíndoo como interesante, misterioso e inquietante.

RELATOS DE PANTASMAS

 Na primeira reunión que tivemos os Fendetestas de 1º ESO estivemos intercambiando opinións sobre o libro de Steven Zorn titulado Relatos de pantasmas. A verdade é que todos comentamos que nos gustaron moito as historias, aínda que con algunhas precisións. Démonos conta de que nos contos que lemos sempre había partes da narración que non quedaban totalmente explicadas. A razón é ben clara: é moito máis misterioso contar as cousas a medias que ofrecer todos os detalles. O descoñecido dá máis medo que o coñecido, por iso moitos dos finais son abertos e deixan que a imaxinación do lector traballe.

 Ademais de reflexionar sobre este feito e de aprender algo novo sobre a temática do misterio, tamén falamos da celebración do Samaín, xa que un dos relatos transcorre nesta máxica noite.

Aproveitamos este encontro para escoller novas lecturas e intercambiar comentarios sobre os temas que nos interesaban. Unha das propostas que tivo máis éxito foi a das historias relacionadas con asasinatos e a resolución de misterios.

A nosa próxima lectura é unha selección de Relatos escalofriantes de Roald  Dahl. Xa iremos dando conta  das nosas impresións.

.