LEMOS CONTOS DO MUSEO

Os Fendetestas de 2º ESO seguimos coa temática do terror , que parece que é a que máis seguidores ten. Agora estamos a ler dous contos ambientados no Museo Provincial de Lugo que teñen como denominador común o elemento misterioso e incluso sobrenatural. Os autores polos que imos comezar son Paco Martín ( o autor de Das cousas  de Ramón Lamote) e Xabier Docampo ( autor de O misterio das badaladas e O pazo baleiro). Ademais de ler os contos procuraremos información sobre estes escritores e así ampliamos a nosa listaxe de "vellos coñecidos". Por certo, os outros dous relatos de contos do museo son de Agustín Fernández Paz e Xosé Miranda. Sóanvos de algo?