19 mar 2014

AGOSTO DO 36

 A novela de Xosé Fernández Ferreiro introduciunos na temática da Guerra Civil  asociada á forte  represión e ás inxustizas cometidas.Os protagonistas  desta obra son unha parella de mestres de ideoloxía "roxa" que están sentenciados de morte por un falanxista do lugar.
A terrible historia de Gregorio e Sara fíxonos reflexionar sobre a crueldade do ser humano. Tamén nos chamou a atención como foron aproveitadas as circunstancias políticas para levar a cabo vinganzas de carácter persoal.
A forte represión sufrida polas persoas que tiñan ideoloxía republicana lembrounos a  película A lingua das bolboretas baseada en tres contos do libro Que me queres amor? de Manuel Rivas.  No filme tamén aparece a historia dun mestre que ve como o seu mundo se derrumba co alzamento militar do ano 1936. Comentamos como se describía a etapa da 2ª República antes do inicio da guerra e destacamos que nos parecía moi interesante contar con testemuñas da nosa historia a través do cinema e da literatura.

A verdade é que con este libro aprendemos moitas cousas: o que eran os "paseos", a impotencia das vítimas e a gravidade das inxustizas cometidas nesta época.
Agardamos que esta parte da nosa historia non se repita nunca máis.

No hay comentarios:

Publicar un comentario